മെയില്‍ വാർഡൻ — ഒന്നാം എൻ.സി.എ വിജ്ഞാപനം (First NCA Notification)

503/2021

-

പട്ടികജാതി വികസനം

മെയില്‍ വാർഡൻ

ജില്ലാടിസ്ഥാനത്തില്‍ എൻ.സി.എ – ഈഴവ/തിയ്യ/ബിലവ പാലക്കാട് - 01 (ഒന്ന്)

നേരിട്ടുള്ള നിയമനം ( ഈഴവ/തിയ്യ/ബിലവ സമുദായത്തില്‍പ്പെട്ട ഉദ്യോഗാർത്ഥികളില്‍ നിന്നു മാത്രം) എൻ.സി.എ വിജ്ഞാപനപ്രകാരം ഉള്‍പ്പെടുത്തിയിട്ടുള്ള സംവരണ സമുദായത്തില്‍പ്പെടാത്ത ഉദ്യോഗാർത്ഥികള്‍ സമര്‍പ്പിക്കുന്ന അപേക്ഷകള്‍ യാതൊരറിയിപ്പും കൂടാതെ നിരസിക്കുന്നതാണ്. ആയതിലേക്ക് പ്രത്യേക നിരസന മെമ്മോ നല്‍കുന്നതല്ല.

18-39 [ഉദ്യോഗാർത്ഥികള്‍ 02.01.1982-നും 01.01.2003-നും ഇടയില്‍ ജനിച്ചവരായിരിക്കണം (രണ്ട് തീയതികളും ഉള്‍പ്പെടെ)] [(പൊതു വ്യവസ്ഥകളിലെ ഖണ്ഡിക 2(i)-ലെ ഇളവുകളടക്കം] കുറിപ്പ്:- (i) യാതൊരു കാരണവശാലും ഉയർന്ന പ്രായപരിധി 50 (അൻപത്) വയസ്സ് കവിയാൻ പാടില്ല എന്ന വ്യവസ്ഥയ്ക്ക് വിധേയമായി ഉയർന്ന പ്രായപരിധിയില്‍ അനുവദിച്ചിട്ടുള്ള പ്രത്യേക ആനുകൂല്യങ്ങള്‍ക്ക് ഈ വിജ്ഞാപനത്തിന്റെ പാർട്ട് II ലെ പൊതു വ്യവസ്ഥകള്‍ ഖണ്ഡിക 2 നോക്കുക (ഖണ്ഡിക 2 (i) ഒഴികെ).

1 എസ്.എസ്.എല്‍.സി പാസ്സായിരിക്കണം അലങ്കില്‍ തത്തുല്യ യോഗ്യത. 2 സാമൂഹ്യക്ഷേമ വകുപ്പ് അംഗീകരിച്ചിട്ടുള്ള ഹോസ്റ്റലില്‍ വാർഡൻ ആയിട്ടുള്ള മൂന്നു വർഷത്തെ പ്രവൃത്തി പരിചയം ഉണ്ടായിരിക്കണം. കുറിപ്പ്: 1) സ്ത്രീകള്‍ ഈ തസ്തികയ്ക്ക് അപേക്ഷിക്കുവാൻ അർഹരല്ല. 2) K.S & S.S.R Part II Rule 10 (a) (ii) ബാധകമാണ്. 3) വിജ്ഞാപനപ്രകാരമുള്ള യോഗ്യതകളുടെ തത്തുല്യയോഗ്യത അവകാശപ്പെട്ട് അപേക്ഷ സമര്‍പ്പിക്കുന്ന ഉദ്യോഗാർത്ഥികള്‍ ടി യോഗ്യതയുടെ തത്തുല്യത തെളിയിക്കുന്ന സർക്കാർ ഉത്തരവ് വെരിഫിക്കേഷൻ സമയത്ത് ഹാജരാക്കിയാല്‍ മാത്രമേ പ്രസ്തുത യോഗ്യത തത്തുല്യമായി പരിഗണിക്കുകയുള്ളൂ. 4) പരിചയ യോഗ്യത അവകാശപ്പെടുന്ന ഉദ്യോഗാർത്ഥികള്‍ താഴെപ്പറയുന്ന മാതൃകയില്‍ പരിചയ സർട്ടിഫിക്കറ്റ് വാങ്ങി പരിചയം സംബന്ധിച്ച വിശദാംശങ്ങള്‍ (സർട്ടിഫിക്കറ്റ് നമ്പർ, തീയതി, തസ്തികയുടെ പേര്, കാലയളവ്, നല്‍കിയ അധികാരിയുടെ പേര്, സ്ഥാപനത്തിന്റെ പേര് മുതലായവ) രേഖപ്പെടുത്തി പരിചയ സർട്ടിഫിക്കറ്റിന്റെ scanned image/സത്യവാങ്മൂലം (നിശ്ചിത പരിചയം ഉണ്ടായിരിക്കുകയും എന്നാല്‍ നിലവിലെ Pandemic നിയന്ത്രണങ്ങളുടെ സാഹചര്യത്തില്‍ പരിചയ സർട്ടിഫിക്കറ്റ് ലഭ്യമാകാതിരിക്കുന്നവർക്ക് വേണ്ടിയുള്ളത്) upload ചെയ്താല്‍ മാത്രമേ അപേക്ഷ സമര്‍പ്പിക്കല്‍ സാധ്യമാകുകയുള്ളൂ. എന്നാല്‍ ഉദ്യോഗാർത്ഥികള്‍ പരിചയ സർട്ടിഫിക്കറ്റ് കമ്മീഷൻ ആവശ്യപ്പെടുന്ന സമയത്ത് ഹാജരാക്കേണ്ടതാണ്.

ഉദ്യോഗാർത്ഥികള്‍ തൊഴില്‍ പരിചയം തെളിയിക്കുന്നതിന് ഹാജരാക്കേണ്ട സർട്ടിഫിക്കറ്റ് താഴെ കൊടുത്തിരിക്കുന്ന മാതൃകയില്‍ ആയിരിക്കണം. (i) ഉദ്യോഗാർത്ഥികള്‍ കമ്മീഷന്റെ വെബ് സൈറ്റിലൂടെ ഓണ്‍ലൈനായി മാത്രം അപേക്ഷ സമര്‍പ്പിക്കേണ്ടതാണ്. (ii) ഈ വിജ്ഞാപനപ്രകാരം പാലക്കാട് ജില്ലയിലേയ്ക്ക് റാങ്ക് ലിസ്റ്റ് തയ്യാറാക്കുന്നതാണ്. (iii) വിജ്ഞാപനപ്രകാരം ഈ തസ്തികയിലേയ്ക്ക് ഉദ്യോഗാർത്ഥികള്‍ സംവരണ സമുദായ ഒഴിവ് രേഖപ്പെടുത്തിയിട്ടുള്ള പാലക്കാട് ജില്ലയിലേയ്ക്ക് മാത്രം അപേക്ഷ സമര്‍പ്പിക്കേണ്ടതും ജില്ലയുടെ പേര് ഓണ്‍ലൈൻ അപേക്ഷയുടെ നിർദ്ദിഷ്ട കോളത്തില്‍ രേഖപ്പെടുത്തേണ്ടതുമാണ്. (iv) ഈ വിജ്ഞാപനപ്രകാരമുള്ള തെരഞ്ഞെടുപ്പ് ജില്ലാടിസ്ഥാനത്തില്‍ 27.05.1971-ലെ സർക്കാർ ഉത്തരവ് (എം.എസ്) 154/71/പി.ഡിയിലെ പ്രത്യേക വ്യവസ്ഥകള്‍ക്ക് അനുസൃതമായി നടത്തുന്നതാണ്. (v) ഉദ്യോഗാർത്ഥികളുടെ S.S.L.C. ബുക്കില്‍ രേഖപ്പെടുത്തിയ ജാതി/സമുദായത്തില്‍ നിന്നും വ്യത്യസ്തമായ ജാതി/സമുദായം അപേക്ഷയില്‍ അവകാശപ്പെടുന്ന പക്ഷം ആയത് ഗസറ്റില്‍ വിജ്ഞാപനം ചെയ്തിരിക്കേണ്ടതും ജാതി/സമുദായം തെളിയിക്കുന്നതിന് റവന്യൂ അധികാരി നല്‍കുന്ന ജാതി സർട്ടിഫിക്കറ്റ്/നോണ്‍ ക്രീമിലെയർ സർട്ടിഫിക്കറ്റിനോടൊപ്പം ഇത് സംബന്ധിച്ച ഗസറ്റ് വിജ്ഞാപനം കൂടി ഒറ്റത്തവണ പരിശോധനാ സമയത്തോ കമ്മീഷൻ ആവശ്യപ്പെടുന്ന സമയത്തോ ഹാജരാക്കേണ്ടതാണ്.