നോണ്‍ വൊക്കേഷണല്‍ ടീച്ചർ ഫിസിക്സ് — Non-Vocational Teacher Physics

576/2022

-

കേരള വൊക്കേഷണല്‍ ഹയർ സെക്കനറി വിദ്യാഭ്യാസം

നോണ്‍ വൊക്കേഷണല്‍ ടീച്ചർ ഫിസിക്സ്

07 (ഏഴ്)

തസ്തികമാറ്റം മുഖേനയുള്ള നിയമനം

ഉദ്യോഗാർത്ഥികള്‍ 01.01.1999 തീയതിയിലോ അതിനുമുമ്പോ ജനിച്ചവരായിരിക്കണം. തസ്തികമാറ്റം വഴിയുള്ള തെരഞ്ഞെടുപ്പിന് ഉയർന്ന പ്രായ പരിധി ബാധകമല്ല. കുറിപ്പ്: KS&SSR 1958, പാർട്ട്-II-ലെ നിയമനവുമായി ബന്ധപ്പെട്ട റൂള്‍ 14 മുതല്‍ 17 വരെ സംവരണ വ്യവസ്ഥകള്‍ ഈ തിരഞ്ഞെടുപ്പിന് ബാധകമല്ല.

1. കേരളത്തിലെ ഏതെങ്കിലുമൊരു സർവ്വകലാശാലയില്‍ നിന്നും 50% മാർക്കില്‍ കുറയാതെ ബന്ധപ്പെട്ട വിഷയത്തില്‍ നേടിയ ബിരുദാനന്തര ബിരുദമോ അല്ലെങ്കില്‍ കേരളത്തിലെ ഏതെങ്കിലും ഒരു സർവ്വകലാശാല ബന്ധപ്പെട്ട വിഷയത്തിന് തത്തുല്യമായി അംഗീകരിച്ച യോഗ്യതയോ നേടിയിരിക്കണം. 2. i) ബന്ധപ്പെട്ട വിഷയത്തില്‍ കേരളത്തിലെ ഏതെങ്കിലുമൊരു സർവ്വകലാശാലയില്‍ നിന്നും റഗുലർ പഠനത്തിനുശേഷം നേടിയ ബി.എഡ്. ബിരുദമോ അല്ലെങ്കില്‍ കേരളത്തിലെ ഏതെങ്കിലുമൊരു സർവ്വകലാശാല ബന്ധപ്പെട്ട വിഷയത്തിന് തത്തുല്യമായി അംഗീകരിച്ച യോഗ്യതയോ നേടിയിരിക്കണം. ii) ബന്ധപ്പെട്ട വിഷയത്തില്‍ ബി.എഡ്. ബിരുദം നേടിയവരുടെ അഭാവത്തില്‍ കേരളത്തിലെ ഏതെങ്കിലുമൊരു സർവ്വകലാശാലയുടെ ആക്റ്റുകളിലും സ്റ്റാറ്റയൂട്ടുകളിലും നിർദ്ദേശിച്ചിട്ടുള്ള പ്രകാരം ബന്ധപ്പെട്ട ഫാക്കല്‍റ്റിയില്‍ ബി.എഡ്. ബിരുദം നേടിയിരിക്കണം. iii) മുകളില്‍ ഇനം (i) ലും, (ii) ലും സൂചിപ്പിച്ചിട്ടുള്ള ബി.എഡ്. യോഗ്യത നേടിയ ഉദ്യോഗാർത്ഥികളുടെ അഭാവത്തില്‍ കേരളത്തിലെ ഏതെങ്കിലുമൊരു സർവ്വകലാശാലയില്‍ നിന്നും റഗുലർ പഠനം മുഖേന ഏതെങ്കിലും ഒരു വിഷയത്തിലുള്ള ബി. എഡ്. ബിരുദം അഥവാ തത്തുല്യമായി കേരളത്തിലെ ഏതെങ്കിലുമൊരു സർവ്വകലാശാല അംഗീകരിച്ച യോഗ്യത നേടിയിരിക്കണം. 3. കേരള സർക്കാർ നേരിട്ടോ കേരള സർക്കാർ അധികാരപ്പെടുത്തിയ ഒരു ഏജൻസി മുഖേനയോ നോണ്‍ വൊക്കേഷണല്‍ അദ്ധ്യാപക തസ്തികയ്ക്കായി നടത്തുന്ന സ്റ്റേറ്റ് എലിജിബിലിറ്റി ടെസ്റ്റ് (സെറ്റ്) ബന്ധപ്പെട്ട വിഷയത്തില്‍ പാസ്സായിരിക്കണം.

കുറിപ്പ്: 1. ബന്ധപ്പെട്ട വിഷയത്തില്‍ കേരളത്തിലെ ഏതെങ്കിലുമൊരു സർവ്വകലാശാല അംഗീകരിച്ച എം.എഡ്. യോഗ്യത നേടിയ ഉദ്യോഗാർത്ഥികളെ ബി.എഡ്. യോഗ്യതയില്‍ നിന്നും ഒഴിവാക്കിയിട്ടുണ്ട്. 2. തസ്തികയിലേയ്ക്ക് നിഷ്കർഷിച്ചിട്ടുള്ള അടിസ്ഥാന യോഗ്യതയുമായി ബന്ധപ്പെട്ട വിഷയങ്ങളില്‍ അപേക്ഷകർ നേടിയിട്ടുള്ള പിഎച്ച്.ഡി/എം.ഫില്‍/പോസ്റ്റ് ഡോക്ടറല്‍ ഫെല്ലാഷിപ്പ് എന്നീ നോണ്‍ ക്വാളിഫൈയിങ് ഡിഗ്രികള്‍ക്ക് അധിക മാർക്ക് നല്‍കുന്നതാണ്. റാങ്കിങ്ങിനായി നോണ്‍ ക്വാളിഫൈയിങ് യോഗ്യതകള്‍ക്ക് അധിക മാർക്ക് നല്‍കുന്നത് താഴെ പറയുന്ന രീതിയിലായിരിക്കും. നോണ്‍ ക്വാളിഫൈയിങ് എം.ഫില്‍ - 2 മാർക്ക് നോണ്‍ ക്വാളിഫൈയിങ് പിഎച്ച്.ഡി - 4 മാർക്ക് എം.ഫില്‍ & പിഎച്ച്.ഡി (നോണ്‍ ക്വാളിഫൈയിങ്) - 5 മാർക്ക് പോസ്റ്റ് ഡോക്ടറല്‍ ഫെല്ലാഷിപ്പ് - 2 മാർക്ക് നോണ്‍ ക്വാളിഫൈയിങ് യോഗ്യതകള്‍ എന്നർത്ഥമാക്കുന്നത് ഈ തസ്തികയ്ക്ക് ആവശ്യം വേണ്ടുന്ന യോഗ്യതകള്‍ക്ക് ഉപരിയായി കരസ്ഥമാക്കിയിട്ടുള്ള അധിക യോഗ്യതകളെയാണ്. അടിസ്ഥാന യോഗ്യതയായി പിഎച്ച്.ഡി/എം.ഫില്‍/പോസ്റ്റ് ഡോക്ടറല്‍ ഫെല്ലാഷിപ്പ് എന്നിവ പരിഗണിക്കപ്പെടുകയാണെങ്കില്‍ ആയതിന് അധിക മാർക്ക് അനുവദിക്കുന്നതല്ല. 3. ഈ വിജ്ഞാപനത്തില്‍ നിഷ്കർഷിച്ചിട്ടുള്ള യോഗ്യതകള്‍ക്ക് പുറമെ എക്സിക്യൂട്ടീവ് ഉത്തരവുകള്‍ മുഖേനയോ സ്റ്റാന്റിംഗ് ഉത്തരവുകള്‍ മുഖേനയോ നിശ്ചിത വിദ്യാഭ്യാസ യോഗ്യതയ്ക്ക് തത്തുല്യമായി സർക്കാർ പ്രഖ്യാപിക്കുന്ന യോഗ്യതകളും, സ്പെഷ്യല്‍ റൂള്‍സില്‍ നിഷ്കർഷിക്കുന്ന യോഗ്യതകള്‍ക്ക് തത്തുല്യമായി കമ്മീഷൻ നിശ്ചയിക്കുന്ന യോഗ്യതകളും, നിർദ്ദിഷ്ട യോഗ്യതകള്‍ അടിസ്ഥാന യോഗ്യതയായിട്ടുള്ള ഉയർന്ന യോഗ്യതകളും സ്വീകരിക്കുന്നതാണ്. തത്തുല്യ യോഗ്യത/ഉയർന്ന യോഗ്യത സംബന്ധിച്ച സർക്കാർ ഉത്തരവുകള്‍ കമ്മീഷൻ ആവശ്യപ്പെടുന്ന സമയത്ത് ഹാജരാക്കേണ്ടതാണ്. 4. KS & SSR Part II Rule 10 a(ii) ബാധകമാണ്. ഇളവുകള്‍: 1. കേരള സർക്കാർ നടത്തുന്ന കോളേജ് ലക്ചറർ തസ്തിക നിയമനത്തിന് ഏർപ്പെടുത്തിയിട്ടുള്ള സ്റ്റേറ്റ് ലെവല്‍ എലിജിബിലിറ്റി ടെസ്റ്റ് ജയിച്ച ഉദ്യോഗാർത്ഥികളെ നോണ്‍ വൊക്കേഷണല്‍ അദ്ധ്യാപക തസ്തികയ്ക്ക് നിഷ്കർഷിച്ചിരിക്കുന്ന സ്റ്റേറ്റ് എലിജിബിലിറ്റി ടെസ്റ്റ് (സെറ്റ്) ജയിക്കുന്നതില്‍ നിന്നും ഒഴിവാക്കിയിട്ടുണ്ട്. 2. എച്ച്.എസ്.എസ്.ടി. തസ്തികയിലെ നിയമനത്തിനായി കേരള സർക്കാർ നടത്തുന്ന സ്റ്റേറ്റ് എലിജിബിലിറ്റി ടെസ്റ്റ് (സെറ്റ്) പാസ്സായവരെയും നോണ്‍ വൊക്കേഷണല്‍ അദ്ധ്യാപക തസ്തികയ്ക്ക് നിഷ്കർഷിച്ചിരിക്കുന്ന സ്റ്റേറ്റ് എലിജിബിലിറ്റി ടെസ്റ്റ് (സെറ്റ്) ജയിക്കുന്നതില്‍ നിന്നും ഒഴിവാക്കിയിട്ടുണ്ട്. 3. നാഷണല്‍ എലിജിബിലിറ്റി ടെസ്റ്റോ ജൂനിയർ റിസർച്ച് ഫെല്ലാഷിപ്പോ ജയിച്ച ഉദ്യോഗാർത്ഥികളെ സ്റ്റേറ്റ് എലിജിബിലിറ്റി ടെസ്റ്റ് (സെറ്റ്) വിജയിക്കുന്നതില്‍ നിന്നും ഒഴിവാക്കിയിട്ടുണ്ട്. 4. പി.എച്ച്.ഡി./ എം.ഫില്‍./ എം.എഡ്. നേടിയ ഉദ്യോഗാർത്ഥികളെ സ്റ്റേറ്റ് എലിജിബിലിറ്റി ടെസ്റ്റ് പാസായിരിക്കണം എന്ന നിബന്ധനയില്‍ നിന്നും ഒഴിവാക്കിയിട്ടുണ്ട്. എന്നാല്‍ ബന്ധപ്പെട്ട വിഷയത്തിലുള്ള എം.ഫില്‍. യോഗ്യത കേരളത്തിലെ ഏതെങ്കിലും ഒരംഗീകൃത സർവ്വകലാശാലയില്‍ നിന്നുള്ളതോ കേരളത്തിലെ ഏതെങ്കിലും ഒരംഗീകൃത സർവ്വകലാശാല തത്തുല്യമായി അംഗീകരിച്ചതോ ആയിരിക്കണം. 5 നാഷണല്‍ എലിജിബിലിറ്റി ടെസ്റ്റ് പാസ്സാവണമെന്ന നിബന്ധനയില്‍ നിന്ന് പി.എച്ച്.ഡി തീസിസ് സമർപ്പിച്ചവരെയും എം.ഫില്‍ പാസ്സായവരെയും കാലാകാലങ്ങളില്‍ യു.ജി.സി എത്രകാലം ഒഴിവാക്കുന്നുവോ അത്രയും കാലയളവിലേയ്ക്ക് സെറ്റ് പാസ്സായിരിക്കണമെന്ന നിബന്ധനയില്‍ നിന്നും ഒഴിവാക്കിയിട്ടുണ്ട്. 6 എസ്.സി./എസ്.റ്റി, ഭിന്നശേഷിക്കാരായ ഉദ്യോഗാർത്ഥികള്‍ എന്നിവർക്ക് 13.11.2015 തീയതിയിലെ G.O. (Ms).No.288/15/Gl.Edn. നമ്പർ സർക്കാർ ഉത്തരവ് പ്രകാരം ബിരുദാനന്തര ബിരുദത്തിന് 5% മാർക്കിളവ് അനുവദിക്കുന്നതാണ്. വിശദീകരണം : നോണ്‍ വൊക്കേഷണല്‍ ടീച്ചർ എന്നതുകൊണ്ട് അർത്ഥമാക്കുന്നത് ഓരോ വിഷയത്തിലും ആഴ്ചയില്‍ 15 പീരിയഡോ അതില്‍ കൂടുതലോ അദ്ധ്യാപനം ചെയ്യേണ്ട തസ്തിക എന്നാണ്. പ്രാബേഷൻ : ഈ തസ്തികയില്‍ നിയമിക്കപ്പെടുന്ന ഏെതാരാളും തുടർച്ചയായ മൂന്ന് വർഷത്തെ സർവ്വീസിനുള്ളില്‍ രണ്ട് വർഷക്കാലം പ്രൊബേഷനിലായിരിക്കും.