ഹെയര്‍ സെക്കന്ററി സ്കൂള്‍ ടീച്ചർ (ജൂനിയർ) അറബിക് — പത്താം എൻ.സി.എ വിജ്ഞാപനം - ഹെയർ സെക്കന്ററി സ്കൂൾ ടീച്ചർ (ജൂനിയർ) അറബിക്

417/2021

-

കേരള ഹെയര്‍ സെക്കന്ററി വിദ്യാഭ്യാസം

ഹെയര്‍ സെക്കന്ററി സ്കൂള്‍ ടീച്ചർ (ജൂനിയർ) അറബിക്

പട്ടിക ജാതി -13 (പതിമൂന്ന്)-കോട്ടഗറി നമ്പർ : 417/2021 പട്ടികവർഗ്ഗം - 02 (രണ്ട്),- കോട്ടഗറി നമ്പർ : 418/2021

-

20-45. ഉദ്യോഗാര്‍ത്ഥികള്‍ 02.01.1976 നും 01.01.2001 നും ഇടയില്‍ ജനിച്ചവരായിരിക്കണം. (രണ്ട് തീയതികളും ഉള്‍പ്പെടെ). [പൊതു വ്യവസ്ഥകളിലെ ഖണ്ഡിക 2(i)-ലെ ആനുകൂല്യം ഉള്‍പ്പെടെ].

1. കേരളത്തിലെ ഏതെങ്കിലും ഒരു സര്‍വ്വകലാശാലയില്‍ നിന്നും 45% മാര്‍ക്കിൽ കുറയാതെ ബന്ധപ്പെട്ട വിഷയത്തിൽ നേടിയ ബിരുദാനന്തര ബിരുദം അല്ലെങ്കില്‍ കേരളത്തിലെ ഏതെങ്കിലുമാരു സര്‍വ്വകലാശാല തത്തുല്യമായി അംഗീകരിച്ച ബന്ധപ്പെട്ട വിഷയത്തിലുള്ള യോഗ്യത നേടിയിരിക്കണം (13.11.2015 ലെ G.O(MS)No.288/15/Gl.Edn നമ്പർ സര്‍ക്കാര്‍ ഉത്തരവ് പ്രകാരം). 2. (i) കേരളത്തിലെ ഏതെങ്കിലും ഒരു സര്‍വ്വകലാശാലയിൽ നിന്നും റഗുലര്‍ പഠനത്തിലൂടെ ബന്ധപ്പെട്ട വിഷയത്തിൽ നേടിയ ബി.എഡ്ാ കേരളത്തിലെ ഏതെങ്കിലും ഒരു സര്‍വ്വകലാശാല ബന്ധപ്പെട്ട വിഷയത്തിന് തത്തുല്യമായി അംഗീകരിച്ച യോഗ്യതയോ നേടിയിരിക്കണം. (ii) ബന്ധപ്പെട്ട വിഷയത്തിൽ ബി.എഡ് ബിരുദം നേടിയിട്ടുള്ള ഉദ്യോഗാര്‍ത്ഥികളുടെ അഭാവത്തിൽ കേരളത്തിലെഏതെങ്കിലുമാരു സര്‍വ്വകലാശാലയിൽ നിന്നും ബന്ധപ്പെട്ട ഫാക്കല്‍റ്റിയിൽ നേടിയ ബി.എഡ് ബിരുദം. [B.Ed. Degree acquired in the concerned faculty as specified in the Acts and statutes of any of the Universities in Kerala] (iii) മുകളില്‍ സൂചിപ്പിച്ച ഇനം i-ലും ii -ലും പരാമര്‍ശിക്കുന്ന ബി.എഡ് ബിരുദം നേടിയ ഉദ്യോഗാര്‍ത്ഥികളുടെ അഭാവത്തിൽ, കേരളത്തിലെ ഏതെങ്കിലും ഒരു സര്‍വ്വകലാശാലയിൽ നിന്നും റഗുലര്‍ പഠനത്തിലൂടെ ഏതെങ്കിലും ഒരു വിഷയത്തിൽ നേടിയ ബി.എഡ് ബിരുദമോ അല്ലെങ്കില്‍കേരളത്തിലെ ഏതെങ്കിലുമാരു സര്‍വ്വകലാശാല ഇതിന് തത്തുല്യമായി അംഗീകരിച്ച യോഗ്യതയോ ഉണ്ടായിരിക്കണം. 3. കേരള സര്‍ക്കാര്‍ നേരിട്ടോ കേരള സര്‍ക്കാര്‍ അധികാരപ്പെടുത്തിയ ഒരു ഏജൻസി മുഖേനയോ ഹെയര്‍ സെക്കന്ററി സ്കൂള്‍ അദ്ധ്യാപക നിയമനായി നടത്തുന്ന സ്റ്റേറ്റ് എലിജിബിലിറ്റി ടെസ്റ്റ് (സെറ്റ്) പാസ്സായിരിക്കണം.

കുറിപ്പ്:-ഈ വിജ്ഞാപന പ്രകാരം മേല്‍പ്പറഞ്ഞ സംവരണ വിഭാഗത്തില്‍പ്പെടാത്ത ഉദ്യോഗാര്‍ത്ഥികള്‍ സമര്‍പ്പിക്കുന്ന അപേക്ഷകള്‍ നിരുപാധികമായി നിരസിക്കുന്നതാണ്. അങ്ങനെയുള്ളവര്‍ക്ക് അപേക്ഷ നിരസിച്ചുകൊണ്ടുള്ള അറിയിപ്പ് പ്രത്യേകമായി നല്‍കുന്നതല. കുറിപ്പ്: വയസ്സിളവിനെ സംബന്ധിച്ച മറ്റ് വ്യവസ്ഥകള്‍ക്ക് വിജ്ഞാപനത്തിലെ പൊതുവ്യവസ്ഥകളിലെ ഖണ്ഡിക 2 നോക്കുക. ഖണ്ഡിക 2(i)ൊഴിചെ. കുറിപ്പ് : 1 KS & SSR പാര്‍ട്ട് II റൂള്‍ 10 (a) ii ബാധകമാണ്. 2. ബി.എഡ് ബിരുദ യോഗ്യതയുള്ളവരുടെ അഭാവത്തിൽ 45% മാര്‍ക്കിൽ കുറയാതെയുള്ള ബിരുദാനന്തര ബിരുദവും സ്റ്റേറ്റ് എലിജിബിലിറ്റി ടെസ്റ്റും (സെറ്റ്) പാസ്സായ ഉദ്യോഗാര്‍ത്ഥികളെ പരിഗണിക്കുന്നതാണ്. പി.എച്ച്.ഡി ബിരുദമോ എം.ഫില്‍ ബിരുദമോ നേടിയിട്ടുള്ളവര്‍ക്കും ജൂനിയര്‍ റിസര്‍ച്ച് ഫെലോഷിപ്പ്/നാഷണൽ എലിജിബിലിറ്റി ടെസ്റ്റ് (നെറ്റ്) യോഗ്യതയോ നേടിയിട്ടുള്ള ഉദ്യോഗാര്‍ത്ഥികള്‍ക്കും മുൻഗണന നല്‍കുന്നതാണ്. ഈ വ്യവസ്ഥപ്രകാരം നിയമിക്കപ്പെടുന്ന അദ്ധ്യാപകര്‍ നിയമിക്കപ്പെടുന്ന തീയതി മുതൽ അഞ്ചു വര്‍ഷത്തിനുള്ളിൽ സ്വന്തം ചിലവിൽ ബി.എഡ് ബിരുദം നേടിയിരിക്കണം. 3. ലാംഗേജ് ടീച്ചേഴ്സ് ട്രെയിനിംഗ് കോഴ്സ് പാസ്സായിട്ടുള്ള ഉദ്യോഗാര്‍ത്ഥികളെ ബി.എഡ് യോഗ്യത നേടുന്നതിൽ നിന്നും ഒഴിവാക്കിയിട്ടുണ്ട്. 4. കേരളത്തിലെ ഏതെങ്കിലുമാരു സര്‍വ്വകലാശാല അംഗീകരിച്ച ബന്ധപ്പെട്ട വിഷയത്തിലുള്ള എം.എഡ് ബിരുദം നേടിയ ഉദ്യോഗാര്‍ത്ഥികളെ ബി.എഡ് യോഗ്യതയിൽ നിന്നും ഒഴിവാക്കിയിട്ടുണ്ട്. 5. വിജ്ഞാപന പ്രകാരമുള്ള യോഗ്യതയുടെ തത്തുല്യ യോഗ്യത അവകാശപ്പെട്ട് അപേക്ഷ സമര്‍പ്പിക്കുന്ന ഉദ്യോഗാര്‍ത്ഥികള്‍ ടി യോഗ്യതയുടെ തത്തുല്യത തെളിയിക്കുന്ന സര്‍ട്ടിഫിക്കറ്റ്/ സര്‍ക്കാര്‍ ഉത്തരവ് സര്‍ട്ടിഫിക്കറ്റ് വെരിഫിക്കേഷൻ സമയത്ത് ഹാജരാക്കിയാൽ മാത്രമേ പ്രസ്തുത യോഗ്യത തത്തുല്യമായി പരിഗണിക്കയുള്ളു. 6. ഉദ്യോഗാര്‍ത്ഥി അപേക്ഷയിൽ ശരിയായ ജാതി/സമുദായം അവകാശപ്പെടുകയും അത് എസ്.എസ്.എല്‍.സി ബുക്കിൽ രേഖപ്പെടുത്തിയതിൽ നിന്ന് വ്യത്യാസ്തമാകുകയും ചെയ്യുന്ന സാഹചര്യത്തിൽ ജാതി സര്‍ട്ടിഫിക്കറ്റിനോടൊപ്പം ജാതി വ്യത്യാസം സംബന്ധിച്ച ഗസറ്റ് വിജ്ഞാപനം കൂടി പ്രമാണപരിശോധനാ സമയത്ത് ഹാജരാക്കേണ്ടതാണ്.