റീഹാബിലിറ്റേഷന്‍ ടെക്നീഷ്യന്‍ ഗ്രേഡ് II (പ്രൊസ്റ്ററ്റിക്സ് / ഓർത്തോട്ടിക്സ്/ ലെതർ വർക്സ്) — KPSC Notification

484/2020

-

മെഡിക്കല്‍ വിദ്യാഭ്യാസ സർവ്വീസ്

റീഹാബിലിറ്റേഷന്‍ ടെക്നീഷ്യന്‍ ഗ്രേഡ് II (പ്രൊസ്റ്ററ്റിക്സ് / ഓർത്തോട്ടിക്സ്/ ലെതർ വർക്സ്)

പ്രതീക്ഷിത ഒഴിവുകള്‍ ഈ വിജ്ഞാപനപ്രകാരം തയ്യാറാക്കപ്പെടുന്ന റാങ്ക് ലിസ്റ്റ് പ്രാബലയത്തില്‍ വരുന്ന തീയതി മുതല്‍ ഏറ്റവും കുറഞ്ഞത് ഒരു വർഷവും ഏറ്റവും കൂടിയത് മൂന്ന് വർഷവും നിലവിലിരിക്കുന്നതാണ്. എന്നാല്‍ ഒരു വർഷത്തിനു ശേഷം ഇതേ തസ്തികയിലേക്ക് ഒരു പുതിയ റാങ്ക് ലിസ്റ്റ് പ്രസിദ്ധീകരിക്കപ്പെടുകയാണെങ്കില്‍ ആ തീയതി മുതല്‍ ഈ വിജ്ഞാപനപ്രകാരം തയ്യാറാക്കപ്പെടുന്ന റാങ്ക് ലിസ്റ്റിന് പ്രാബലയമുണ്ടായിരിക്കുന്നതല്ല.ലിസ്റ്റ് പ്രാബലയത്തിലിരിക്കുന്ന സമയത്ത് അറിയിക്കപ്പെടുന്ന ഒഴിവുകളിലേക്കും ഈ ലിസ്റ്റിൽ നിന്നും നിയമനം നടത്തുന്നതാണ്.

നേരിട്ടുള്ള നിയമനം.

18-36, ഉദ്യോഗാർത്ഥികള്‍ 02.01.1984 നു ശേഷം 01.01.2002 നു ശേഷം ഇടയില്‍ ജനിച്ചവരായിരിക്കണം. (രണ്ട് തീയതികളും ഉള്‍പ്പെടെ) മറ്റു പിന്നോക്ക വിഭാഗത്തില്‍ ഉള്‍പ്പെട്ടവർക്കും, പട്ടികജാതി/ പട്ടികവർഗ്ഗ വിഭാഗത്തില്‍ ഉള്‍പ്പെട്ടവർക്കും നിയമാനുസൃത ഇളവുണ്ടായിരിക്കുമ്പം. (വയസ്സിളവിനെ സംബന്ധിച്ച് പൊതു വ്യവസ്ഥകളിലെ രണ്ടാം ഖണ്ഡിക നോക്കുക.)

1 എസ്.എസ്.എല്‍.സി. ജയിച്ചിരിക്കണം. 2 റീഹാബിലിറ്റേഷന്‍ കൗണ്‍സില്‍ ഓഫ് ഇന്ത്യ അംഗീകരിച്ച സ്ഥാപനങ്ങൾ നടത്തുന്ന ഓർത്തോട്ടിക്സിലും പ്രൊസ്റ്ററ്റിക്സിലും ഉള്ള സർട്ടിഫിക്കറ്റ് കോഴ്സ് പൂർത്തിയാക്കിയിരിക്കണം. അല്ലെങ്കില്‍ റീഹാബിലിറ്റേഷന്‍ കൗണ്‍സില്‍ ഓഫ് ഇന്ത്യ അംഗീകരിച്ച സ്ഥാപനങ്ങൾ നടത്തുന്ന ഓർത്തോട്ടിക്സിലും പ്രൊസ്റ്ററ്റിക്സിലും ഉള്ള ഡിഗ്രി / ഡിപ്ലോമ കരസ്ഥമാക്കിയിരിക്കണം. മുകളില്‍ പറഞ്ഞ ഒന്നും രണ്ടും യോഗ്യതകളുടെ അഭാവത്തില്‍, 3 കാർപെന്ററി, ഷീറ്റ്‌മെറ്റല്‍, ഫിറ്റർ എന്നീ ഐ.റ്റി.ഐ ട്രേഡുകള്‍ വിജയകരമായി പൂർത്തിയാക്കിയവരെ പരിഗണിക്കുന്നതാണ്. ഇവർക്ക് നിയമനം ലഭിക്കുകയാണെങ്കില്‍ ഇവരെ ഒരു വർഷത്തേക്ക് ട്രെയിനികളായി കണക്കാക്കുകയും ഈ തസ്തികയുടെ ശമ്പള നിരക്കിന്റെ മിനിമം ശമ്പളം നൽകുകയും ചെയ്യും.

കുറിപ്പ്: ഹാഫ് എ മില്യൻ ജോബ് പ്രോഗ്രാം അനുസരിച്ച് തിരുവനന്തപുരം മെഡിക്കല്‍ കോളേജിനോട് അനുബന്ധിച്ചുള്ള ആർട്ടിഫിഷ്യല്‍ ലിംബ് സെന്ററില്‍ വിജയകരമായി പരിശീലനം പൂർത്തിയാക്കിയിട്ടുള്ളവർക്ക് ഉയർന്ന പ്രായപരിധിയില്‍ അഞ്ച് വർഷത്തെ ഇളവ് അനുവദിക്കുന്നതാണ്. കുറിപ്പ് :1) KS & SSR പാർട്ട് II റൂള്‍ 10 (a) (ii) ബാധകമാണ് . 2) വിജ്ഞാപനപ്രകാരമുള യോഗ്യതകളുടെ തത്തുലയ യോഗ്യത അവകാശപ്പെട്ട് അപേക്ഷ സമർപ്പിക്കുന്ന ഉദ്യോഗാർത്ഥികള്‍ ടി യോഗ്യതയുടെ തത്തുല്യത തെളിയിക്കുന്ന സർക്കാർ ഉത്തരവ് വെരിഫിക്കേഷന്‍ സമയത്ത് ഹാജരാക്കിയാല്‍ മാത്രേമ പ്രസ്തുത യോഗ്യത തത്തുലയമായി പരിഗണിക്കപ്പെടുകയുള്ളു. 3) ഉദ്യോഗാർത്ഥി അപേക്ഷയില്‍ ശരിയായ ജാതി/സമുദായം അവകാശപ്പെടുകയും അത് എസ്.എസ്.എല്‍.സി ബുക്കില്‍ രേഖപ്പെടുത്തിയതില്‍ നിന്ന് വ്യത്യാസമാകുകയും ചെയ്യുന്ന സാഹചര്യത്തില്‍ നോണ്‍ ക്രീമിലെയർ/ ജാതി സർട്ടിഫിക്കറ്റിനോടൊപ്പം ജാതി വ്യത്യാസം സംബന്ധിച്ച ഗസറ്റ് വിജ്ഞാപനം കൂടി പ്രമാണപരിശോധനാ സമയത്ത് ഹാജരാക്കേണ്ടതാണ്.