അസിസ്റ്റന്റ് എഞ്ചിനിയർ — ജനറല്‍ റിക്രൂട്ട്മെന്റ് - സംസ്ഥാനതലം

137/2022

-

കേരള ജല അതോറിറ്റി

അസിസ്റ്റന്റ് എഞ്ചിനിയർ

64

നേരിട്ടുള്ള നിയമനം

19-40. ഉദ്യോഗാർത്ഥികൾ 02.01.1982 നും 01.01.2003-നുംമിടയിൽ ജനിച്ചവരായിരിക്കണം (രണ്ടു തീയതികളും ഉൾപ്പെടെ).എസ്സ്.സി /എസ്സ്.ടി, മറ്റ് പിന്നാക്ക വിഭാഗങ്ങൾക്കും വിധവകൾക്കും നിയമാനുസൃത വയസ്സളവ് ഉണ്ടായിരിക്കും. (വയസ്സളവിനെ സംബന്ധിച്ച മറ്റ് വ്യവസ്ഥകൾക്ക് ഈ വിജ്ഞാപനത്തിൽ പാർട്ട് 2- ലെ പൊതുവ്യവസ്ഥകളിലെ 2- ആം ഖണ്ഡിക നോക്കുക.)

1. കേരള സർവ്വകലാശാലയുടെ സിവില്‍/ മെക്കാനിക്കല്‍/കെമിക്കല്‍ എഞ്ചിനീയറിംഗിൽ ബി. എസ്. സി. ബിരുദമോ അല്ലെങ്കിൽ മദ്രാസ് സർവ്വകലാശാലയുടെ ബി. ഇ. സിവില്‍/ മെക്കാനിക്കല്‍/കെമിക്കല്‍ ബിരുദമോ തത്തുലയമായി സർക്കാർ അംഗീകരിച്ചിട്ടുള്ള മറ്റേതെങ്കിലും യോഗ്യതയോ ഉണ്ടായിരിക്കണം. അല്ലെങ്കിൽ 2 (a) ഇൻഡ്യൻ ഇൻസ്റ്റിറ്റ്യൂഷൻ ഓഫ് എഞ്ചിനീയേഴ്സിന്റെ സിവില്‍/ മെക്കാനിക്കല്‍/കെമിക്കല്‍ എഞ്ചിനീയറിംഗിൽ അസോസിയേറ്റ് മെമ്പർഷിപ്പ് ഡിപ്ലോമയോ തത്തുലയമായി അംഗീകരിക്കപ്പെട്ടിട്ടുള്ള ഏതെങ്കിലും ഡിപ്ലോമയോ ഉണ്ടായിരിക്കണം. അല്ലെങ്കിൽ b) ഇൻഡ്യൻ ഇൻസ്റ്റിറ്റ്യൂഷൻ ഓഫ് എഞ്ചിനീയേഴ്സിന്റെ സിവില്‍/ മെക്കാനിക്കല്‍/ കെമിക്കല്‍ എഞ്ചിനീയറിംഗിൽ അസോസിയേറ്റ് മെമ്പർഷിപ്പ് എക്സാമിനേഷൻ 'എ' യും 'ബി' യും സെക്ഷനുകളും പാസായിരിക്കണം.

കുറിപ്പ്: 1. ഈ വിജ്ഞാപനപ്രകാരം തയ്യാറാക്കപ്പെടുന്ന റാങ്ക് ലിസ്റ്റ് പ്രാബലയത്തിൽ വരുന്ന തീയതി മുതൽ ഏറ്റവും കുറഞ്ഞത് ഒരു വർഷവും ഏറ്റവും കൂടിയത് മൂന്നു വർഷവും നിലവിലിരിക്കുന്നതാണ്. എന്നാൽ ഒരു വർഷത്തിനുശേഷം ഇതേത ഉദ്യോഗത്തിന് ഒരു പുതിയ റാങ്ക് ലിസ്റ്റ് പ്രസിദ്ധീകരിക്കപ്പെടുകയാണെങ്കിൽ ആ തീയതി മുതൽ ഈ വിജ്ഞാപന പ്രകാരം തയ്യാറാക്കപ്പെടുന്ന റാങ്ക് ലിസ്റ്റിനു പ്രാബല്യമുണ്ടായിരിക്കുന്നതല്ല. മുകളിൽ കാണിച്ചിട്ടുള്ള ഒഴിവുകളിലേക്കും ലിസ്റ്റ് പ്രാബല്യത്തിലിരിക്കുന്ന സമയത്ത് അറിയിക്കപ്പെടുന്ന കൂടുതൽ ഒഴിവുകളിലേക്കും ഈ ലിസ്റ്റിൽ നിന്നും നിയമനം നടത്തുന്നതാണ്. 2. മുകളിൽ പറയുന്ന തസ്തികയിലേക്കുള്ള നിയമനത്തിലുള്ള ഏതു ശിപാർശയും പിന്നീട് തെറ്റാണെന്ന് ബോധ്യപ്പെട്ടാൽ റദ്ദു ചെയ്യുന്നതിനുള്ള അധികാരം കേരള പബ്ലിക് സർവ്വീസ് കമ്മീഷന് ഉണ്ടായിരിക്കുന്നതാണ്. നിയമന ശിപാർശ റദ്ദു ചെയ്താലുടന നിയമനാധികാരി ആ ഉദ്യോഗാർത്ഥിയുടെ സേവനം അവസാനിപ്പിക്കേണ്ടതാണ്. എന്നാൽ നിയമന ശിപാർശ റദ്ദാക്കുകയും സേവനം അവസാനിപ്പിക്കുകയും ചെയ്യുന്നത് ഉദ്യോഗാർത്ഥിയുടെ പ്രൊബേഷന കാലമോ ജോലിയിൽ പ്രവേശിച്ച ശേഷം 240 ദിവസമോ ഏതണാ ആദ്യം പൂർത്തിയാകുന്നത് ആ കാലയളവിനുള്ളിലായിരിക്കും. 3. 09.09.2013 ലെ G.O.(P)No.74/2013/SJD നമ്പർ സർക്കാർ ഉത്തരവ് പ്രകാരം ഈ തസ്തികയുടെ 3% (മൂന്ന് ശതമാനം) ഒഴിവുകൾ ചലന വൈകല്യമുള്ളവർ/ ശ്രവണ വൈകല്യമുള്ളവർ/ കാഴ്ച ശക്തി കുറഞ്ഞവർ എന്നീ വിഭാഗങ്ങളിൽപെടുന്ന ഭിന്നശേഷി വിഭാഗക്കാർക്കായി സംവരണം ചെയ്തിരിക്കുന്നു.